Tuppak Simerpara,
merbuah dahan parira.
Menumpak Tuhan Debata,
Njuah-njuah kita karina.
Menangkih si Zakeus,
mi benna kayu Ara.
Maseh ate Tuhanta Jesus,
Kuria Pakpak makin raratna.
Dua lubang ni Sige,
sada poda mahan geriten.
Laus pe kita mi ladang dike,
sai ulang mamo bernit-berniten.
Kabang mo nina renggisa,
senggep i nggala page.
kipangan ngo kessa kami mbisa,
pemaing nami oda kade.
Tenggi galuh sileuh,
perduhapen lae Tinada.
Tungkuk mengapus eluh,
perbuaten siso mada.
Ncuak kayu merdahan,
idempang kayu Tembeski.
Sai sakat mo karina angan-angan,
janah bage ate mo nina rejeki.
Salak mi Penanggalen,
lewaten ngo Kantor Bupati.
sai soh mo karina angan-angan,
kade sini suan, sai tekka mo menjadi.
Kerajaan urukna mbellang,Sukarame arah rebeen.sai tekka mo umurta ngeddang,sai ulang mo kade-kadeen.
Tidak ada komentar:
Posting Komentar